G‘ijduvon kulolchilik maktabining tarixi, qadriyatlari va sulola davomchilari haqida
G‘ijduvon kulolchilik maktabi dunyodagi eng qadimiy va nufuzli hunarmandchilik markazlaridan biridir. Bizning tariximiz 7 avloddan beri uzluksiz davom etib kelayotgan Narzullayevlar sulolasi bilan chambarchas bog‘liq.
Har bir buyumda ota-bobolarimizning sirlari, mahalliy tuproqning harorati va ustalarimizning qalb qo‘ri mujassam. Biz nafaqat idish-tovoq yasaymiz, balki tarixni loyga muhrlaymiz.
Xalqaro standartlar va an'anaviy uslub uyg‘unligi
UNESCO ro‘yxatiga kiritilgan noyob uslub
Har bir asar – tarix bilan yo‘g‘rilgan, tabiatdan ilhomlangan, va avloddan-avlodga o‘tib kelayotgan ushbu muqaddas hunarning fidoyi ustalari tomonidan yaratilgan xikoyadir. Bizning oilamiz bir necha asrlardan beri G‘ijduvonning boy badiiy merosini asrab-avaylab kelmoqda.
Bejirim sopol idishlardan tortib, jilvador kashta namunalari va fusunkor gilamlargacha har bir asarda ustaning qalb-qo‘ri va boy madaniyatimiz aks etgan. Bu nafaqat san’at asari, balki qadimiy uslublar asosida yaratilgan, avloddan avlodga o‘tib kelayotgan javohir hamdir.
“O‘zbekiston hunarmandchilik davlat siyosati darajasiga ko‘tarilgan dunyodagi yagona mamlakatdir”.
O‘zbekiston hunarmandchiligi 43 xil yo‘nalishga ega bo‘lib, ulardan kulolchilik, kashtachilik, gilamdo‘zlik, zardo‘zlik xalqimizning eng go‘zal o‘ziga xos madaniyatini aks ettiruvchi amaliy san’at yo‘nalishlaridan hisoblanadi. Biz G‘ijduvon hunarmandchilik markazimizda ushbu an’analarni davom ettirib, ularni rivojlantirayotganimizdan faxrlanamiz.
Bizning hunarmandchilik markazimizda qadimiy va zamonaviy san’at an’analari uyg‘unlashgan, o‘tmish va kelajakka ko‘prik bo‘luvchi noyob san’at asarlarini yaratamiz. Agar siz xonadoningiz uchun noodatiy buyum yoki sovg‘a izlayotgan bo‘lsangiz, mehr va muhabbatni aks ettiruvchi, qo‘l mehnatida yaratilgan mahsulotlarimiz siz uchun ayni muddao.
Bizning galereyamizda siz nafaqat san’at asarlarini, balki bizni ilhomlantirgan va kelajak avlodlarimizni ilhomlantiradigan madaniyatimiz haqida guvohlik beruvchi durdonalarni ko‘rishingiz mumkin.
Tashrif buyuring“Biz bilan birga bo‘ling va har bir asardagi hunarmand tafti va tarovatini his qiling. G‘ijduvonning bir bo‘lakchasini uyingizga o‘zingiz bilan olib keling va O‘zbekistonning boy san’ati sizning hayotingizni boyitishiga izn bering”.
Yillik tarix
Ko‘rgazmalar
Shogirdlar
Avlod davomchilari
Usta kulol
1927-1987-yillar
Kashtadoʻz usta
Usta kulol
Kashtadoʻz usta
Kashtadoʻz usta
Usta kulol
Usta kulol, Kashtadoʻz usta
Usta kulol
Gilamdo‘z usta
