So‘zana “Hayot daraxti”

“Hayot daraxti” soʼzanasi gʼijduvonlik sulolaviy ustazodalar Mavluda va Gulbahor Narzullaevalar tomonidan yaratilgan. Soʼzana markazida 5 qatorda 7 donadan gullar joylashgan boʼlib, hayotning rang-barangligidan dalolat beradi. “Hayot daraxti”- oilaviy baxt, ajdodlar va avlodlar oʼrtasidagi uzviy bogʼliqlik va farovonlik ramzi hisoblanadi. Bu kabi naqshlar asosan, nikoh toʼyi soʼzanalarida qoʼllanilgan. Soʼzananing hoshiyasida quyosh ramzini bildiruvchi-doiragul naqshlari tasvirlangan boʼlib, ular orasida bir juft anorli, bodomli va gulli novdalar joylashtirilgan. Аnor-oila, serfarzandlik va sevgi-muhabbat ramzi hisoblanadi. Shu bilan birga, “Hayot daraxti” naqshi insonning tugʼilishidan boshlab hayoti davomidagi bosib oʼtadigan yoʼllarini ifodalaydi.