Soʼzana “Rafidagul”

“Rafidagul” soʼzanasi gʼijduvonlik sulolaviy ustazodalar Mavluda va Gulbahor Narzullaevalar tomonidan yaratilgan. Soʼzana markazida sakkiz qirrali yulduz naqshi joylashgan boʼlib, uning atrofi “rafidagul” naqshi bilan toʼldirilgan. Sakkiz qirrali yulduz shakli-muvozanat, adolat, hamohanglik va ruhiy barqarorlikni ifodalaydi. Uning har bir qirrasi eʼtiqod, rahm-shafqat, donolik, sabr-toqat va taqvodorlik ramzidir. “Rafida”- non yopish uchun moʼljallangan yostiqchaning nomi boʼlib, ilgari ayollar uy-roʼzgʼor buyumlari va tabiat gullaridan ilhomlanib yaratgan naqshlardan biri hisoblanadi. Rafida-xayru-barokat va oiladagi budlik ramzi hisoblanadi. Soʼzananing hoshiyasidagi naqshlar ham rafidagul naqshlari boʼlib, ularning orasida oʼsimliksimon islimiy naqshlar tasvirlangan.